भ़णोआ कनें बुआई

अक्कड़ इन्ह़ाँ दा गह़णा कन्नें रुस-रुसाई जी

जाह़्लू दिख्खा ताह़्लू छडदे नक्क फुलाई जी

मत्थे पायो तरूठ कद्दी नीं ऐ बोलदे ह़स्सी नें 

इन्ह़ाँ जो खुश करने जो देइये कुण दवाई जी

सूतक- पातक दू़ँ जो इक बरोबर समझ़न ऐ़

ऊच्चा सरैह़णा चाह़िदा कनें नरम तुलाई जी

पुठ्ठे सवालाँ पुछदे कनें गल्ल कब्बली घ़ोचदे

जागत-बिट्टियां दी लग्गे जदूँ दिख-दखाई जी

अप्पू गलाई लैंदे म्ह़ारा मजाक कद्दी नीं सैह़ंदे

सदा जल़यो ह़ी दिख्खे भ़णोआ कनें बुआई जी