कजो पाया रोल़ा अरो, कजो तँग कित्तया?
बझ़ाई हुण ही लाटुए मैं भित्त लाई दिंत्तया ।
गौ ता उह़िंयाँ मेरा भी था दो घुट्ट लाणे जो,
तबीज गले ताम्बे दा , है चेलें पाई दित्तया ।
तबीज गले ताम्बे दा , है चेलें पाई दित्तया ।
ठँडी ठँडी ओबरी बडी याद ओंदी तोंदिया,
टपरु सैह़ पराणां म्यो, सयालें ढाई दिंत्तया ।
टपरु सैह़ पराणां म्यो, सयालें ढाई दिंत्तया ।
कुथु पांणें लेण हुण ता कुथु पाणें मन्दलु ?
कैखी जल़्या मार्बल अंगणें बछाईं दिंत्तया ।
कैखी जल़्या मार्बल अंगणें बछाईं दिंत्तया ।
मत जाँदा छोरुआ, बजारे हुण किह़ला तू ,
तिसा दे भाऊंआँ तेरा, पहरा पाई दिंत्तया ।
क्या ह़ोणें जुये ह़ुण, ह़ोणियाँ क्या कौड्डियाँ
हारीअप्पु पैसयाँ, काढ़डू जताई दित्तया |!
----------------- मनोज मैहता ----------------
No comments:
Post a Comment