Marriage-in-late-thirty

मिंज्जो नें भी रखणीं यारी कनें तिसनें भी साथ निभाणां
छड्ड मोआ तू दूह़रियाँ चाल्लाँ, तैंताअपणां आप गोआणां

पै़ंतुएँ साले ब्याह़ जे ह़ोया, कितणां फिरी सैह़ फणसोया
ह़ुण भी लग ही सोई रैहंदा, होणाँ कतां ते निक्का आणां

सक्ला दिख्खी नें खुस ह़ोया, लबड़ाँ लबडाँ बड़ा चटोया
पुक्कुआँ नें नीं जमणें बच्चे, गल्ल एह़ दस्सी ग्या स्याणां

रात ह़ै अजकी बड़ी ह़ी नेह़री, कजो करा दा मिंज्जो देरी
ठिरकी ह़ाँखीं तेरिया बोल्लऩ, तैं पक्का परकाल़ा पाणां

जह़ल्याँ नें जदूँ ते लग्गी यारी , किस्मत फुट्टी तांही म्ह़ारी
ओ मैह़तया माह़णू बणीं जा, जे तैं अपणां आप बचाणाँ