जाह़लु ते नाँ मेरा बिकणां लग्गा ,
जोसी भ़ी टिपड़ुए दिखणां लग्गा ।
कबल्ले ख्याल थे खोपरें बड़यो ,
भ़ुल्ले सब जाह़लु लिखणां लग्गा ।
सुभ कारजे जो जाँदयां दिख्खी ,
सरीक ठस्से नें छिक्कणां लग्गा ।
लुगड़े छक्की साह़ंन था बणयां ,
ह़ुण कजो जँग्घ़ां जिकणां लग्गा?
सिगटे बिच था मिठड़ा लग्गदा ,
धूँ चिलमाँ दा तिखणां लग्गा ।
छड्ड भँग्गा देयां सूट्टयाँ मितरा ,
मींजूए च ह़ुण एह़ चिटणां लग्गा ।।
--------- मनोज मैहता -------------
No comments:
Post a Comment