बणीं के दारुबाजाँ तांईंएं, सैह़ आँधी आई गया ,
न्ह़ठा बो शराबियो अज फिरी गाँधी आई रेह़या |
दस्सां दी भ़ी मँग्गा दा तां बिह़िंयाँ दी भ़ी मँग्गा दा,
नेह़रदेयाँ ह़ी ग्लासुये बिच म्यो, बुरे दौंलें फँड्डा दा |
सारेयाँ दो नम्बरियां जो, मेरी गप्प समझाई देया,
जुगती नें बेचा म्यो, सैह़ अँगण-द्वाराँ गाह़ी गेया !
आँड्डयाँ दिया रेह़ड़िया पर कोई भी नीं ओआ दा
सारे घराँ जो ला दे खिट्टां, ध्याड़ा जे घरोआ दा !
जणासां दे सूनें चेह़रयाँ पर, नूर फिरी आई गया ,
न्ह़ठा झ़ट नशेड़ियो कि एस पी गाँधी आई गया....!!
---- ---- ---- ---- ---- -- मनोज मैहता ---
No comments:
Post a Comment