काह़ल़ी होल छल़ाका भी ह़ै
तबीता बिच मतल़ाका भी ह़ै
कद्दकी ढिड्ड फटी फटी जाँदा
लगदा कद्दी म्यो फाका भी ह़ै
इस बख्खे जे पइयो मरणीं
गुआँडें धूम- ध़ड़ाका भी ह़ै
दिनें जे बड़याँ भ़जनाँ गाँदा
रात्ती मारदा डाक्का भी ह़ै
ह़ड्ड गोड्डे ह़ी नीं हैन्न छलोयो
पिट्ठी लग्गया मसाका भी ह़ै
जँग्घाँ पिल़ची चल्लियाँ मोआ
मुँह़े चल्लया भ़ौआका भी ह़ै
घ़ट्ट पिय्या कर म्या मैह़त्तया
ह़ोणाँ कद्दी ढल़ाका भी ह़ै
........मनोज मैहता........
No comments:
Post a Comment