छ्ड्डी देया बेह़लियाँ चौध़राँ, ह़ुण दिन इह़ियाँ नी सध़रोणें बजाजिया दे घ़ाटे मितराे , पकौड़याँ बेच्ची पूरे नीं ह़ोणें
भ़ार जरा ता सैह़णां पोणाँ, भ़ौएँ बसौं बिच लैणाँ पोणाँ
बाल़ाँ फूकी नें कद्दी भी यारो, मुऱदे तां हल्के नीं ह़ोणें
कोड़ा तेल ह़ी लैंदा ओयाँ, डालडे तेजे परेह़्ज ह़ै तिज्जो
मन्याँ ह़ुँग्गे डौक्के ह़ी एह़, थुक्के बिच ता तल़ी नीं ह़ोणें
इस घ़राटे देया ह़ी दल़ूणाँ, पींह़्ण कद्दी पर नीं बदलूणाँ
सुण गप्प थौह़े नें मेरी, मन्याँ ह़ल्ली कन्न ह़ोयो नीं टौणें
अन्ह़ाँ नाँह़ं करदा रेह़या कनें बौल़ा गाँह़ं करदा रेह़या
बमार मरीजें ठीक न होंणाँ, लख करा भ़ाएं जादू-टोणें
किछ कम्म कमा कर मोआ, बेह़ले रह़ी तैं बणनाँ गोह़ा
जेह़ड़े तू खराब करा दा, एह़ पल बापस कद्दी नीं औंणें
------------------------मनोज मैहता ------------------------
No comments:
Post a Comment