डकदे तिज्जो राह़ु- केतु , भ़ाऊ तिसा दे करन तमासा
दोआ तुहाँ ह़ैन्न इको दयै , कद्दकी तौल़ा कद्दकी मासा
ह़ोल पौंदा दूह़ँनी दिख्खी, इक गल्ल अपण मैं सिख्खी
दूरे ते ही ह़स्सदे हैन्न दोयो, रेड्डे आई नीं दिंदे दलासा
तैं मूसी लई लौ सूरजे दी, सैह़ लई गई मेरे चैनें खोई
मौके पर नीं मिलदे दोयो,जितणा मर्जी चाह़े तलासा
चाँद ता रैह़ंदा अँबरे उप्पर सैह़ ता ध़रतिया ह़ी बसदी
दूँह़नीं च पर सौंणां कुण ह़ै कैंह़ नीं करदे तुसाँ खुलासा
No comments:
Post a Comment