पेड़ हमारे बाप की तरह हैं...!!

कलँच्चण ह़ोन उवाजी ताईं भौंएं मल्ह़ठ्ठी संग्घ़े ताईं ,
गप्प सच्ची ह़ै मित्तरो, रूख्ख ह़ुन्दे म्ह़ारे बब्बे साह़ीं |

ल्हौ़ला़ चाह़े चारे जो, भौंएं लेया कठेराी मरब्बे ताईं,
खाणें दा करदे बंदोबस्त, बो पूरा स्याणें बब्बे साह़ीं |

कद्धकी कड़ियां छत्ती दिंयां, बरल कद्ध़ी स्ह़ारे जो ,
पूरा भार झल्लया इन्ह़ां, जद्दुं भ़ी खरेड़े थम्बे साह़ीं |

कुर्सी बणीं भ़ी बठियाँदे तां बणीं नें मंज्जा सोआँदे ,
बणें कलम लिखणें जो तां कद्दकी गत्ता डब्बे ताईं |

बणीं दात्तण दन्द चमकेरे, हड्ड तैं मोआ चब्बे तां ह़ी ,
कदर इन्ह़ां दी कर पूरी, रूख्ख ह़ैन्न म्या बब्बे साह़ीं |

चील- दयार तूत- द्रेकाँ, ह़ैन्न कुथकी एह़ अम्बे साह़ीं ,
मत जाड़ा इन्ह़ांजो म्यो, रुख्ख ह़ैन्न म्ह़ारे बब्बे साह़ीं ||
------------------------------------------- - मनोज मैहता