दुश्मणां नें यारी करदा, मितरां नें गरद्दारी करदा,
नोट्टाँ दा ह़ै ऐसा भुख्खा, चोराँ दी सरदारी करदा।
बगानें माल्ले पर पौंद्दा, अपणें नें नीं झ़ौणां दिंदा,
रंड कुसी दी पंड कुसी दी,बेह़्ली ठाणेंदारी करदा।
अपणें कम्म कढाणें जो, थोड़ी बुड़क बध़ाणे जो,
कद्दकी तेरी कद्दकी मेरी, ठसे नें तरफदारी करदा।
थौह़ तिद्दा क्या लाणां, बेह़ला ह़ी दमाक खपाणां,
परोखा ठोक्की नें गाल़ी, सामणें भ़ा चारी करदा |
सीमटे सरिये लैंद्दा बेची, मुर्गयाँ खाँदा पेची पेची,
खाली ह़ी रखदा बटुये, ठेकेदारी सरकारी करदा ||
----- ----- ----- ----- --- मनोज मैहता
No comments:
Post a Comment