Thursday, 19 May 2016

पर्मीशन लैणी ह़ै...!!

इक गल्ल गलाणें दी सर, तुसाँ ते पर्मीशन लैणी ह़ै ,
दस्सा कम्म कराणे दी, कितणी कमीशन लैणी ह़ै ?

विधायकाँ दे तनखाह़ीं-भ़त्ते इंह़िंयां नी बद्धी जाणे ,
रूलिंग आल़्यां अपणें सौगी ओपोजीशन लैणी ह़ै |

भ्रष्टाचार, झ़ूठ, चोरबजारी, जिथु पढ़ाये जाँदे ह़ैन्न ,
तिस स्कूले बिच मित्तरो, मैं भी एडमीशन लैणी ह़ै |

जिसा स्पीडा मह़ारे छौह़रू नशेयां बख्खे न्ह़सा दे ,
लग्गदा पँजाबे ह़राई असाँ फ़र्स्ट पजीशन लैणी ह़ै |

कुथकी ते बड्डा ह़थ बज्जे, मेरी भ़ी जिंदड़ी सज्जे ,
गायी दी सौह़ कार फिरी मैं एयर कंडीशन लैणी ह़ै ||
----------------------- मनोज मैहता ----------------------

No comments:

Post a Comment

स्वर्ण मंदिर अमृतसर

यह रहा स्वर्ण मंदिर का इतिहास – कवितात्मक शैली में , भावपूर्ण, सरल और प्रभावशाली भाषा में: ✨ स्वर्ण मंदिर – इतिहास की काव्य कथा ✨ अमृत तल...